ضاقــــ بيـــــــــا ـــــت

ضاقت بيا
لما انا سبت ف عينى الدنيا
تاخد منى احلى سنينى
تسرق منى يارب حنينى
واشتاق ليك
واعمل ايه
لما انا ابعد يوم عن اراضيك
كل الدنيا دهية فانية
وحبك ليا
احلى هدية
حتى فى غلطى رحيم ورؤوف
حبك مالى القلب ياربى
يطمن جزعى ويدينى قوة
فى عز الخوف
سامحنى حبيبى غلطت كتير
وازاى اغلط؟؟
ازاى من غير علمك اشوف
سامحنى فى ذنبى وخوفى وقلقلى
ازاى وانت معايا اخاف
ازاى اقلق واطرح واضرب
كفاياك جمبى
منتا المكسب
شوقى وحبى اليك يرضينى
بس رضاك ياحبيبى كافينى
طمن قلبى
انا محتاجة احبك اكتر
ايوة ياربى
شوقى اليك
عمال يكتر
احبك جدا
ونفسى اموت وانا حباك
والينى ياربى دنا بهواك
طاعة عشانا
خلقتها لينا
وذكر جميل
يطهر فينا
وصورة الكون
فيك تحيينا
نفسى اخلى كل حياتى عشانك بس
طاعتى ولبسى وسفرى ونفسى
وحتى النوم والشوق والحس
نفسى ابطل حزن ويأس

سجدة جميلة بتحمينى بيها
وتقربنى اناجيك فيها
واحلم اجيلك اسرع وقت
وافكر لحظة
هل لو مت
هاجيلك فعلا
ولا انا لسه عليا شويا
ابنى وأعلى يمكن ترضى الخطوة الجاية
وارجع اقول
لا ياحبيبى
انا مش هاجى بعملى وطاعتى
ولا بحسابى لحسنة قليلة
وعمل طاهر ادتهونى
وارجع افكر نفسى بانى
لما سجدت
سجدت عشان انت امرت
ولما انا تبت
تبت عشان انت رزقت
ولما انا اموت
هدخل جنة فى اعلى الجنة
علشان رحماك اوسع ليا
من حساباتى
وظنى أنا فيك اكبر دايما من زلاتى
سامحنى ياربى
ولما اموت
اغفر ذنبى
وطهر قلبى
وابقى فى وعدك عايشة الحق
جنة جميلة فى شهادة صدق
ومين هيقول للجنة دى لأ
بس انا نفسى اموت فى رضاك
واحيا انا تانى لما انا ادخل الفردوس
بمنك جودك وبرحماك
بمنك جودك وبرحماك

النصر لينا

رغم الألــــــــــــــــم
هعيش
وأموت ببتسم
وفى موتى هحيا من جديد
قلبى الحزين هيموت شهيد
رغــــــــــــــــم الظلم والسواد
شموخى لساه عنيد
ع الحق ثابتة
بالحق حرة وسط العبيد
وماتخافوش
مش راح نملى الدنيا ظلم زيكو
ولا نخلق منا شويا وحوش
متخافوش
مهما عملتم من جيوش
او ملكتم الدنيا
والعروش
متخافوش النصر لينا
مهما تعبنا
الجنة أهى قدام عنينا
والنصر لينا
الجنة اهى قدام عنينا
الجنة اهى قدام عنينا

عند الشدائد..تعرف الأصدقاء

عند الشدائد .. تعرف الأصدقاء
ما أحلى الصحبة فى الله
ما أرقى الحب فى الله
ما أعظم نعم الله علينا
حقا فى الشدائد تعرف الأصدقاء
فى الفترة الاخيرة من حياتى بليت ابتلااءات كانت أعظم الابتلاءات فى حياتى وأعلم ان الاعظم آتى ..
لكن تلك المجموعة كانت أشدها وأصعبها
بالرغم من ذلك كانت هينة جداااااااا بفضل الله مقابل نعم الله التى أفاض بها عليا
نعم لا تعد ولا تحصى
أنعم الله عليا بطاعته ودوام حبه والإستغاثة به
أنعم عليا فيض من الأيادى التى تمتد لى فى تلك الليالى الكاحلة السواد
أيادى تحبنى بحق
تتسلل إلى قلبى الحزين لتربت عليه وتمسح نزف بكائه
قلوب تحمسنى وتشجعنى وتهمس فى أذنى(جنتك فى قلبك يكفيكى حب الله لك)
قلوب إحتوتنى بشدة .. قدرتنى بأكثر مما أستحق
علمتنى الصبر والقوة وكيف أحلم من شديد
صديقتى,,
عودا حميدا لبعضنا البعض
أحبك فى الله حبيبتى
أو تذكرين؟؟
عندما عشنا عنفوان شبابنا متمردتين على كل من يحارب احلامنا البسيطة
أو تذكرين؟؟
عندما يئست أنا وهربت منكى وحتى من نفسى ثلاث سنوات من عمرى
لكنك بقيت على العهد واحتفظتى بى فى عمق جوارحك
وبقى لى مكان فى هذا القلب الوفى
وعدتى باترة كل الذكريات السيئة بيننا
وساندتينى كثيرا
كان حقا عليا أن أشكرك
وماوفيتك حق شكرك
احبك فى الله حبا جما
اعشق كبريائك وصمودك وقوتك واستمرارك فى النجاح الذى يمدنى بالقوة
اعشقك عدم يأسك من طفولتى وتمردى ومشاغبتى لك طوال الوقت
اعشق حبنا لبعضنا البعض
أو تعلمين
؟؟؟
لم ينعم الله عليا بعودتك فقط
بل بفيض من الأحباء
يحبوننى بصدق مثلك دون أن أفعل أى شىء يوجب حبهم إلى
وبالرغم من أنهم قابلونى فى فترة عصيبة
كنت فيها فى أسوا حالاتى ومعاملاتى على الإطلاق
إلا أنهم كانو يجلسون بداخل قلبى ينظفونه ببسماتهم
يحاولون تنويمه كالطفل الصغير
يزيلون عنه ذاك الشوك
ومايئسوا قط
هم يحبوننى كما أنا
مثلك حبيبتى
يحبوننى على حقيقتى
يحبوننى فى كل حالاتى
ذاك هو فقطا لحب فى الله
انحنى شاكرة اياكم على قلوبكم النقية
وروحكم الصفية

وادعو الله أن يرزقنى الله واياكم الفردوس الأعلى
وأن يرزقنى الله الصفاء والحب مثلكم لأرد لكم هذا الجميل يوما ما
وان مت قبل أن أرده فسامحونى واستغفروا لى الله

التـــــــــــــــــــــــــــاج

بسم الله الرحمن الرحيم

تلبية لدعوة سالى
استلمت تاج غريب وعجيب
مع انى كنت قاعدة لا بيا ولا عليا
ومكسلة اكتب اى اى اى حاجة بعيد عنكم يعنى
يمكن بعد التاج ده يحصل بهجة ومرح تانى فى البلوج بدل الكئابة اللى انا عمالة ببثها فى ارجاء المكان ده

ويارب يكون تاج خفيف عليكم :)

من أنت ؟ وما الذى تفعله هنا ؟
اصطبحت بوش مين انهرده
ايه الأسئلة الغريبة دى ..
هو حتى هنا هتسأل انا بعمل ايه؟؟
لالالالالالالالالالا حرااااااااام
هههههههههه
حبة جد بقى .. انا نهى وهنا بكتب اللى انا حاسة بى همومى وهموم وطنى ودينى وهموم جيلى ورسالتى فى الحياة
هنا بكتب احلامى وآمالى ونفسى يوم تتحق على ايدى ا على ايد غيرى
انا بنت عادية جدا بس عندى احلام مش عادية ويمكن اكبر منى بس ان شاء الله هتتحقق..

إسرائيل تقصف كل جنوب ممكن بحثا عنك ، أى شمال ستقصد؟

هخلينى فى الجنوب هيا ناقصة يضربوااا كل شمال كمان عشانى؟؟
وكمان هموت شهيدة يابختى :) :)

أنت مكلف بحذف حرف من حروف اللغة العربية .. أيها ستختار ولماذا ؟

هاحذف ال3 حروف دول
ت
ا
ج

وابقوا ورونى هتعملوا التاج ده تانى ازاى

ههههههههههههههههههه

لو قدر لك أن تدخل السجن فما هي القضية التي تتمنى ان تدخل بها إليه؟

ياسيدى ياسيدى

دخلتونى السجن كمان طب كملوا جمايلكو بقى واختارولى القضية والسجن و .....الخ
يعنى اللى تحبوه من ابو غريب ل غوانتانامو انا تحت امركوااااااا
بس انا مبعرفش انام ع الارض
واهم حاجة الكابتشينو الصبح
وياريت القضية كده تكون تشرف
حررت القدس مثلا
دخلنا امريكا
كفاية بقى من تواضع لله رفعه :)

بالمناسبة.. منذ متى اكتشفت نفسك؟

لسه ماكتشفتهاش والله كل ماحس انى اكتشفتها الاقى حاجات تانية مكتشفتهاش وهكذا..
انا فى رأيى ان الانسان فى متغيرات دائمة مع شيا ثوابت هو لو مسك فى الثواب يبقى كويس اوى
وربنا يثبتنا جميعا

على مفترق طريق الافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

كده كده مش هاخد اكتر من رزقى وقدرى
هتوكل على الله واتبع السنة وادخل يمين
حلمى: مالم يحلم به البشر
اليمين اصلا كلو بركة:)

نحن لا نعيش حياتنا بل نتعلم فيها كيف نعيش ما تعليقك؟

لو سبناها هيا تعلمنا يوم هنعيش و 10 هنموت
لازم احنا اللى نعيشها ونحدد فيها احلامنا ونمشيها على مزاجنا مع الاستعانة بالله ونخليها فى ايدنا مش فى قلوبنابجملة واحدة فقط

أكتب تعريفاً لكل كلمة من الكلمات التالية

الوطن

الجنـــــــــــــــــــــــــــــــــــة

الأم

متناقضات كتير فى نفس الانسان

الليل
حبة هدوء..البدر..تفكر
الحب

ألـــــــــــــــــــــــــــــــــــم

أمريكا

انا مبتكلمش فى السياسية هههههههههههه

المرأة

غلبانـــــــــــــــــــــــــــة بس اللى يعرف يضحك عليها

الصمت

أرقى لغات الكلام

الانترنت

سلاح ذو حدين
ممكن تعمل بيه كبائر
وممكن تعمل بيه حاجات تدخلك الفردوس الاعلى

أخترمنصباً واتخذ قرارا ؟

عميد جامعة المواهب المهدرة

قرار

تحويل الجامعات لقاعات عملية ومشاريع منفذة واختراعات علمية وصناعات مميزة وكتب مؤلفة على ايدى الشباب
دى الميدنة الفاضلة دى ولا ايه؟؟
يالا انشلله ماحد حوش هو حتى الاحلام هنحوش فيها!!

قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

اصل بعيد عنكم فى الجاهلية الاولى كان البنات عندهم حياء

لكن هم ليهم طبعا شعر وانا درسته فى الكلية لكن مكنوش كلهم بيقلوه
قولو على الدنيا السلام

أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ عللأعلل ؟؟

هو على حسب يعنى لو الجريمة كده تشرف وترفع راسنا ماشى وبعدين انا بحب الاكشن بقى والحاجت دى

وهطلع فى التفزيووووووون هيييييييييه
بس لو فينا من ضرب بلاش برىء يابيه وهترف بكل حاجة معملتهاش اصلا
ههههههههه

إلى أين تمضي كلمات الحب .. بعد أن نقولها؟

تمضى حبات لآلىء فى قلوب من نحبهم ويحبوننا بصدق لتنفجر اشجار تطرح للعالم ثمارا جديدة كل يوم بالحب وينابيع خير تغطى كل ذاك العالم

هل تجد علاقة بشكل أو بآخر بين المرأة وقطاع الطرق ؟

يادى النيلة .. التاج ده مش هايعدى على خيييييييييييييييير
اه طبعا .. وراء كل قاطع طرق عظيم امرأة
هع هع هع
شوفتوا احنا لينا دور عظيم فى كل حاجة ازاى :) :)

هذا فراق بيني وبينك .. متى ولمن تقولها ؟

.اقلها لما الحب فى الله يزول ونبقى بنحب بعض لاسباب تانية
واقولها لحد خاين للأمانة ..كذاب ..مؤذى.. بياع (طبعا دى صيغه للمذكر والمؤنث) واعتقد الصفات دى بردو متبقاش موجودة فى حد بيحب بجد ولله

.كيف هو غداً ؟

حلوووووووووووو جداااااااااا ان شاء الله
تفائلوا بالخير تجدوووووووووووووه


امرر التاج لـــــ

جوجو

ايمان

مواقف

نفساوى

تميم

ثورة

شوقيات

احمد
بالهنااااااا والشفااااااااا :) تعيشوا وتاخدوا غيرها

لقد أحببته ميتا

منذ البداية علمت انها لم تكن لتنل تلك الدمية ... أخذت تلوم نفسها على انها حلمت بامتلاكها .. قررت البدئ بحلم آخر .. وكلما خانتها احلامها وصدمها الواقع كانت تضرب بعرض الحوائط وتصمم الا تحلم مرة اخرى وانها لن تحلم الا بما هو اكيد وبين يديها الصغيريتين
بعد مرور 6 سنوات
اصبحت أميرة المدينة واحلامها التى صممت الا تحلمها مرة اخرى قد كبرت بداخلها فى صمت تام ...
ارهقتها أحلامها الخيالية وشعورها بأنها سندريلا القرن العشرين ..أخذت تكتم كل تلك التخاريف بعيون الجميع لكن شىء ما يخبرها انها ستحقق شيئا منها ربما حدسها .. ربما سئمها من الواقع الذى لا تاخد منه غير اليأس والحياة المدفونة فى قبور سوداء
أخذت تقلب فى جريدة الصباح برتابة لم يثر اهتمامها اى من تلك الاخبار المشؤؤمة ... استمرت فى تقليب الصفحات حتى تنتهى من كوب النسكافيه الصباحى
فجأة وقع منها الكوب منكسرا ... رأته لم تكن تتخيل أن هذا حقيقه ... نعم هو بنفسه ..شعره.. عينيه .. لقد أحبته منذ نعومة اظافرها كانت ترسمه فى وريقتها الصغيرة وتخبئها كى لا تسمع توبيخ الاخرين وسخرياتهم من احلامها التى لا علاقة لها بالواقع
أحبته 20 عاما والان وجدته ... أحبته وسهرت تدعو له وكانت تخبره كل اسرارها كلها كلها ... كان هو الاخر يرد عليها فى احلامها ويقظتها بانه موجود وان يوم اللقى سوف يأتى .. عشرون سنة كانت تبحث فى الشوارع والحارات والمساجد عليه .. خشيت كثيرا ان يكون قد عبر من جانبها فى الزحام ولم تدركه ...
قررت ان تبحث عنه مرة اخرى قررت ان تصدق كل احلامها التى كانت تظنها اضغاث .. قررت أن تبدأ من جديد حلمت من اول لقائه حتى الفستان الابيض والملائكة التى ستنجبهم للعالم .. ستنجبهم ليغيروا العالم منه .. منه فقط
دخلت جدتها عليه وسألتها مايفرحك قالت : حلمى جدتى
ونظرت فى الجريدة تبحث عن اسم أو عنوان حالما وقعت عينيها على الصورة مرة أخرى بكت كثيرا.. بكت بفزع
قالت جدتها : مايبكيكى..؟؟
ردت عليها .. جدتى ... لقد احببت أحدا ميتا ..
لقد أحببت احدا ميتا..

11-5-2009

التفاؤل حيــــــــــاة

التفاؤل حيـــــــــــــــــــاة
(منقول:زهرة الخليج,15/12/2007)
جميل أن يكون يومك مثيرا , باعثا على الفتاؤل والأمل .
جميل أن يصادفك امرؤ فى داخله الكثير من الفرح ,تلقائيا ينقل إليك الحالة , لتغدو فرحا مرفرفا دون أن تتجشم عناء البحث عن السبب او المحفز , هى حالة تصيرك قلبا خفاقا نابضا بالحب
من اللائق كثيرا ان تشكر الله على نعمه حينما يسخر لك من دون أن تتوقع قلبا يحتويك بصدق لا يبحث عن مكاسب جراء هذا الاحتواء ولا ينافق حين يعبر عن رأى يحمل لك بشرى محبة أو مشاركة وجدانية تجعلك كإنسان تتأمل كثيرا فى هذه الحياة لتتسائل: أين كنت قبل هذا ؟؟
تمر فى حياتنا نوعيات من البشر كثيرة , بعضها يملأ قلبه السواد , وبعضها الآخر يرفل فى البياض حتى يغطى أجوائك النفسية بالراحة وبعضها والعياذ بالله ينضح بحقد وحسد دفينين , متناسيا للحظات أنه إنسان يحمل الكثير من صفات الخير والحب والجمال
واحيانا قد تلقى بك الظروف فى طرق تملأها الوجوه الحانقة الغاضبة حتى لتشعر بأنك تواه بحورا فى غابة وحيدا الا من خطر الموت ضعيفا الا من ايمان ينقلك الى تمرد جميل , يعلم ذاك كيف أن القلوب الكبيرة يمكن أن تكون خير وسيلة للحياة السوية , مكتملة العطاء , النابضة بالتواضع والمحبة والإيثار والإخاء
فى بحثنا عن الابتسامة تتسع الدروب أمامنا لتغدوا الكحديقة شاسعة البهاء , غناء بالظل والحياة , اشجارها ورافة تحاكى الضوء فى دواخلنا مع زقزقة العصافير ذات اشتياق , ومع حفيف الشجر ذات مطر , التفاؤل مسرح إنسانى كبير رواده للأسف كعشاق الشعر والثقافة قلة , الا من ثرثة مجانية لا طائل منها سوى بث الفرقة والبغضاء وفى أحيانا كثيرة تجعل من العدوانية طريقا لخسران الآخر
إننا حين نتفائل نبعث أطياف السعادة فى المكنة وننثر الأمنيات المؤجلة فى الدروب الوعرة , التفاؤل قد يكون انسانا يجعل من صباحاتك غيم محبة , فتحلق من جديد بروح وثابة , متطلعة إلى الحياة الأجمل ,بعيدا عن ميكنة العصر الحديث , والمشاعر المثلجة , واللقاءات السريعة كالوجبات السريعة , ان الحياة تستحق ان تعاش , والصديق الجميل يستحق ان يحتفى به , والتفاؤل هو مصدر كل الابتسامات من حولنا فابتسموا لتغدوا الحياة أجمل
شكرا للانسان أيا كان , وفى كل مكان
المحررة

كلها أقدار

إمبارح زى دلوقتى بالظبط اللى هو الساعة 7 الصبح
كنت بكتب بردو
أعدت أكتب ع الكومبيوتر من 5 الفجر ل 11.30 الضهر
ونمت تقريبا بعدها 3 ساعات
فيض من الاحاسيس اللى مش عارفة أعبر عنها كويس زى زمان
واعتقد إن السبب فى انى فقدت كتير من ملامح شخصيتى اللى مش قادرة اطلعها واتعامل معاها دلوقتى
وطبعا واضح جدا ان فقدت قدرتى على التعبير زى زمان وركاكة اللغة وعدم قدرتى على التعبير بالشعر المقفى او غيره
كلها كتابات عادية جدا زى فضفضة بس ريحتنى بنسبة كبيرة ولو حتى لفترة مؤقتة
لاتستغرب وقوع الأقدار ....... مادمت فى هذه الدار
مش مستغرباها قد ماأنا مش عارفة أصدقها
ومش مستغرباها قد ما أرهقتنى تزاحمها وتراكمها عليا فى وقت واحد
توالت أقدار كتير فى فترة صغيرة جدا وكل قدر فيهم غريب جدا وصعب جدا اطلع نفسى منى بسرعة او ألحق حتى أتصدم منو وأفوق
وأبقى أقوى فأستحمل اللى بعده
لكن المرادى
كلها شهر حصل فيها حاجات كتييييييييير لدرجة انى حاسة إن الشهر ده بدون مبالغة سنين
بس الحمد لله انا احسن كتير أوى ولو انى بردو موصلتش لنقطة الاتزان اللى بتمناها بس أحسن بدليل انى ع الاقل رجعت اكتب ولو انى مش راضية عن كتابتى
بس اهى خطوة فى مشوار الألف ميل
وبدأت احل مشاكلى بالاختلاط مع الناس مش العزلة عنهم ولو ان شكل تعايشى معاهم مش عجبنى
ومش معنى انى مش راضية عن نفسى انى مش راضية عن الوضع اللى انا فيه
او وقع الأقدار دى
عدم راحتى واطمأنانى نابع من حاجتين
وقوع الاقدار دى وعدم فهمى ليها وخططى الفاشلة بشكل ظاهرى لكنو قدر بيوجهنى فى اتجاه معين
وتانى سبب وهو الاقوى عدم راحة ناس يهمونى
وعشان أنا إاتعودت استمدت فرحتى وقوتى من إنى أريح اللى حواليا حتى لو أنا مش مرتاحة ومنهارة
وبما إنى مش عارفة أريحهم دلوقتى
وكمان مش عارفة أريح نفسى (بس ده العادى)
حاسة انى حتى الحاجة الوحيدة اللى كنت مازلت أتقنها بشدة وهيا انى اريح اللى حواليا ضاعت هيا كمان منى وبقيت فاشلة فيها
بس يمكن الظروف لها دور وأكيد بردو الأقدار

قدرتى على انى اللى جوايا ميوصلش للى حواليا فائقة وانهم يفضلو مؤمنين انى لازم أحسسهم بالتفاؤل ولو بوجودى بس وإنهم لما يحتاجونى يلاقونى ولما يبقى عندهم أسرار يدفنوها جوايا أنا وحتى لو كانو أول مرة يشوفنى او يعرفونى

يمكن نعمة ان اللى مبيعرفش يتكلم يتكلم معايا او انى ابقى مريحة بشكل غريب للى حواليا إنهم يخصونى بأسرارهم
ويمكن نقمة لانها بتخيلنى أشيل هموم فوق طاقتى بس فى نفس الوقت بحس بمتعة غريبة وأنا بسمعهم
وكأنى بمص سموم جواهم وبخرجها منهم عن طريقى
كل المشكلة لو قدرا السم اللى انا مصيته معرفتش اخرجه وفضل جوايا وده اللى حصل فى الفترة الأخيرة
الحمد لله ع النعم دى كلها أكيد مش منى انى ادى لحد حل مناسب او انى اسمع واحلل وابقى مريحة للحواليا اكيد فضل ونعمة من ربى
بسسسسس أنا خايفة اكون بتمرد عليها عشان انا مرهقة وتعبانة وكل اللى نفسى فيه ان ربنا يغفرلى سوء شكرى وسوء تقديرى للوضع الى انا فيه
لكن أشهدك ياربى انى عندى يقين بك وبأقدارك ليا اللى كلها فى الآخر اكيد عشان مصلحتى
قريت حكمة انهرده وكانت بتقول
من يتأنى ينل مايتمنى
وانا اقول ..... مش بالضرورة علطول تبقى قاعدة لأن كلها أقدار